Como mellorar no xadrez

Non importa en que punto estás no xadrez, sempre podes mellorar. E cos hábitos e a actitude correctos, mellorar o teu nivel pode ser fácil e divertido. Para mellorar no xadrez terás que aprender as regras, xogar moitas partidas, revisar o teu xogo, resolver problemas, estudar finais, non desperdiciar tempos nas aperturas e comprobar dúas veces as túas xogadas.

1. Asegúrate de que coñeces as regras.
Da igual se non estás perfectamente seguro de todas as regras do xadrez ou se cres que xa as sabes. Agás que sexas un xogador avanzado, é boa idea revisar os movementos básicos das pezas e as regras especiais do xadrez. Podes atopar as regras e estratexias básicas aquí.

2. Xoga partidas e partidas de xadrez.

Non podes mellorar en nada se non o fas moitas veces, e co xadrez non é diferente. Aproveita cada oportunidade que teñas de botar unha partida de xadrez, sexa no camiño, a computadora ou na casa.

3. Revisa e aprende das túas partidas.

Xogar sen revisar adoita ser inútil. Cada partida ten moitos erros e oportunidades. Para mellorar, tes que aprender de ambos. A análise automática por computadora pode axudarche a comprender cada partida que xogas.

4. Fai problemas de xadrez.
As tácticas son pequenos problemas agardando a ser resoltos. Representan situacións de xogo reais onde tes unha oportunidade de gañar. É como xogar ao xadrez pero saltando directamente á parte máis divertida onde estás a piques de gañar! Proba algúns problemas gratis.

5. Estuda finais básicos.

Sorprendentemente, a maioría das partidas non rematan rápido, senón despois de moitas e moitas xogadas e cando a maioría das pezas xa non están sobre o taboleiro. A miúdo quedarán só os reis e unhas poucas pezas e/ou peóns. Isto é o "final", onde frecuentemente o obxectivo é coroar un dos peóns e facer dama. Aprender a desenvolverte nos finais axudarache a gañar moitas partidas. Podes practicar con algúns exercicios dos finais máis comúns aquí.

6. Non perdas o tempo memorizando aperturas.

Moitos xogadores cometen o erro de gastar o tempo memorizando aburridas secuencias de xogadas (a "apertura"). O problema é que a maioría dos xogadores non coñecen moitas aperturas, ou se as coñecen, as posibilidades de que xoguen as túas liñas específicas son moi poucas. Simplemente, comeza por aprender bos principios para a apertura e non te estreses memorizando.

7. Comproba sempre dúas veces as túas xogadas.

Unha das partes máis importantes de xogar ben ao xadrez é evitar facer malas xogadas. A maioría das partidas pérdense por erros graves. Así que, antes de mover unha das túas pezas, comproba dúas veces para asegurarte que o teu rei estará seguro e que non te deixas peza.

Cando esteas preparado para mellorar o teu xogo, rexístrate en Chess.com e terás partidas e leccións gratis!