Liga de xadrez rápido (LCEL e LCWL). ¡Contra Rusia na LCEL!

O día 26 de Agosto Team Galicia tivo un encontro histórico contra a todopoderosa Rusia. O resultado foi unha derrota (esperable ) nos tres tempos de xogo: 56-90 en bullet, 67.5-108.5 en blitz e 75.5-96.5 en rápidas. Incluso os rusos permitíronse non traer toda a artillería. Hai que tener en conta que Rusia ten 5 veces máis membros que Galicia en chess.com.

Para celebrar este encontro histórico, decidín estrear a conta de blogs en galego en chess.com (non encontro outro máis).

Só temos un precedente de este encontro, e é na LCWL (a liga mundial), xogado no 21 de Xaneiro de 2018, no que perdimos 0-18.

As publicacións antigas (en español):

• A partidaza de Manoelpadron contra Rumanía
• Tres partidas de ataque contra Pakistan (Avertigo,o MF Sergio Gerrero e unha miña)
• Unha gran partida de emailgalicia
• Dúas partidas contra turquía (Coach_alberto ó ataque e Aretelli cunha partida instructiva)

Desta vez imos ver un par de partidas. As dúas se xogaron no encontro de 5+2: A primeira é do MI Daeg86 (@daeg86), que ten 2414 agora mesmo, cunha "sinxela" victoria nunha partida onde aproveita a vantaxe da súa posición para acabar gañando tras un grave erro do rival. Os dous xogadores xogaron moi ben, pasando dos 90 de precisión. Na partida podemos aprender a xogar este tipo de finales de cabalos e peóns.

A lección máis evidente é... ¡pensa! Aínda que che pareza que a partida está igualada, calquer erro pode levarte á derrota. E aínda tes que pensar máis se o a xogada é de peón... ¡non poden ir atrás!

A segunda partida é de elvanvanero (@elvanvanero), cunha boa partida que remata cunha combinación, tras un erro do rival, que non é consciente do ataque que teñen as brancas.

Neste caso a lección que vexo e... ¡deféndete! Non penses só no material de menos que tes, o máis importante é que non te den mate. Con dama, cabalo, torre e un peón atacando o enroque, debes ter o olfato de cheirar o perigo. E ó igual que na anterior partida, ¡pensa!. as negras estaban perdidas cando todavía tiñan 4 minutos.

Non sei canta xente o lerá en galego, pero o traductor de google funciona ben co galego (aínda que con algún erro extraño) 

Se algún profe de galego ve algún erro que o diga